Make your own free website on Tripod.com

舊日的足跡...

二千零二年十二月

日期
心情,事件

27/12/2002

 (星期五)

今早九點起床,感覺很凍,很凍,而家得八度,大家真係要著多件衫呢∼ 

終於過左公眾假期啦,大家今日係唔係好忙呀?我就繼續要返工,今天我返下午班,希望今天平安過度呢^^

26/12/2002

 (星期四)

遲來的聖誕節快樂^^唔知大家去左邊度玩呢?

我平安夜去了睇戲,睇左〔無間道〕,真係幾近年絕少出現既全院滿座,重要係港產片呢!呢套戲算幾好睇,四位影帝各有特色,而其他配角都演得出色,故事也算好新鮮,真是近幾年比較吸引的港產片呢!

聖誕節正日,下午與家人去了西貢花卉食坊BBQ,地方唔錯,不過人手太少了,又預備唔充足,有些早來的客人,要等上一段時間才可以BBQ呢∼不過,我地都玩得好開心添^^ 夜晚還去看了〔貓之報恩〕,片長七十五分鐘,故事還過得去吧∼

22/12/2002

 (星期日)

我在九月十三日曾經在此介紹過一本書,名為〔阿布的故事〕,如果大家記得我的介紹,阿布是一位與癌症博鬥多年的女士,她已經在十一月三十日下午逝世,在此,祝福她在遠方好好安息。

再次送上她們的網頁:〔阿布的故事〕。

19/12/2002

 (星期四)

今次居然有十三天無寫日記.. 近日實在太忙,一放工或放假就去左老人院收集數據,真係做到人都暈埋,不過,我都好珍惜呢次經驗,學左好多野架。

星期一同事為病人攪左個聖誕聯歡,遊戲很多,見到公公婆婆都很投入去玩,真係覺得好開心!

終於睇左〔哈利波特〕第二集,我覺得比第一集好睇好多,無乜悶場,而三個主角演得很出色,故事內容都很引人入勝呢!大家一定要睇呀!

可能近日太忙,所以有少少唔舒服,希望聖誕節前無事啦^^

係呢,星期一晚與好友吃飯,去了一間在海運大廈的餐廳,我覺得水準唔錯,又可以望到香港夜景,而我地都試過招牌菜-南瓜子焗三文魚柳伴紅花汁,真係唔錯!

06/12/2002

 (星期五)

今天放假,與母親大人及家姐去了飲茶,做乖乖女呢^^

學黏土的導師昨天打電話比我,我真係感到好慚愧,那麼多個月沒有上堂,但,現在始終抽不到充足時間去學黏土,我告訴她要下年五六月才可以再上堂,我真的希望快些完成中大的課程呢∼

讀開課程,我還有很多老人院未去,今天努力再聯絡,希望能在十二月尾完成,下年一月可以做數據分析吧!

醫院上司已通知今年我們沒有往年的新年前提早出糧這回事,可以知道醫院管理局經濟上真的很有問題呢!近兩星期,甚至聽到流言話可以同網的醫院要改革,有些人更加說可能要倒閉呢,真的令人擔心呢...人心惶惶呀~

04/12/2002

 (星期三)

眨眼已經是年尾了,大家快些趁年尾完成自己年頭計劃的事了^^

回顧網頁完成完現在,已經是兩年的事,我也不夠相信居然自己可以做得到,也得到大家的支持,令我知道,只要有信心及恆心,一定做得到呢∼

昨天到同事家,同事十個月的bb真係好得意,她居然可以自己行路,雖然偶然也會跌倒,但她真的很快可以自行爬起,很厲害呢!到要轉彎的地方時,她又懂得坐下來然後轉自己的身體再行過,她將來一定是一個很聰明的孩子呢!

另外,還有兩個小朋友,一個比較小,只得五個月,她是一個很文靜的bb,可以靜靜的被大人抱住,但,她卻非常喜歡看電視呢!另外一位,已經有四五歲了,很活躍的男孩呢!